Notices:

Menu

स्नातक तहको अभिमुखिकरण कार्यक्रम सम्पन्न ।

स्नातक तहको अभिमुखिकरण कार्यक्रम सम्पन्न ।

शैक्षिक सत्र २०७८।०७९ सालको स्नातक तहको नव आगन्तुक बिद्यार्थीहरुको अभिमुखिकरण कार्यक्रम सम्पन्न भएको छ । क्याम्पस प्रमुख प्रा.बिष्णु भट्टराई को अध्यक्षतामा सम्पन्न उक्त कार्यक्रम को प्रमुख अतिथि चिकित्सा शास्त्र अध्ययन सस्थानका सहायक डीन प्रा. डा. प्रदिप बैधले गर्नु भएको थियो । कार्यक्रममा प्रमुख अतिथि प्रा.डा. प्रदिप बैधले नव आगन्तुक बिद्यार्थीहरुलाई यस क्याम्पस छनौट गर्ने निणर्य सहि भएको बताउदै क्याम्पसले गुणात्मक शिक्षा प्रदान गर्ने कार्यमा पुयाएको योगदानको उच्च मुल्याङ्गकन गर्नु भयो । क्याम्पस व्यवस्थापन समितिका अध्यक्ष डा. बशिधर मिश्रले बिद्यार्थीहरुलाई स्वागत गर्दे आफनो उद्धेश्य पूरा गर्नको लागि मेहनत गरी अध्ययन कार्यमा लाग्न सुझाव दिनु भयो । संस्थाका उपाध्यक्ष जीवन प्रकाश शर्माले उच्च शिक्षा अध्ययनको लागि क्याम्पसमा भर्ना भएका सवै बिद्यार्थीहरु आजको मिति देखि क्याम्पस परिवारको एक अंग भएकाले क्याम्पसको पठनपाठन कार्यमा अनुशासित ढंगले लाग्न आग्रह गर्नु भयो । सस्थाका सचिव डा. रामकुमार अधिकारीले बिद्यार्थीहरुलाई अनुसन्धान गतिविधिमा आफुलाई समर्पित गर्न आग्रह गर्नुभयो । उक्त कार्यक्रममा क्याम्पस का गतिविधिहरुको बिभागिय प्रमुख डा. महेन्द्र प्रसाद भट्टले प्रस्तुतिकरण गर्नु भएको थियो । कार्यक्रममा नव आगन्तुक बिद्यार्थीहरुलाई पव्लिक हेल्थका बिभागिय प्रमुख दुर्गा मिश्रले स्वागत गर्नु भएको थियो । उक्त कार्यक्रममा उत्प्रेरक बलराम सुवेदीले बिद्यार्थीहरुलाई उत्प्रेरणात्मक कक्षा लिनु भएको थियो