यस क्याम्पसको शैक्षिक सत्र २०८०।०८१ सालको स्नातक तहका नव आगन्तुक बिद्यार्थीहरुको लागि आयोजित अभिमुखिकरण कार्यक्रम सम्पन्न भएको छ । संस्थाका अध्यक्ष डा. बशिधर मिश्रको अध्यक्षतामा सम्पन्न उक्त कार्यक्रम को प्रमुख अतिथि त्रि.वि चिकित्सा शास्त्र अध्ययन सस्थानका डीन प्रा. डा. दिव्या सिंह शाहले नव आगन्तुक बिद्यार्थीहरुलाई चिकित्सा शिक्षा आयोगको कठिन परिक्षामा सफल भई यस क्याम्पस लाई आफनो उच्च शिक्षा अध्ययन गर्न छनौट गर्नु भएको मा बधाई दिदै अनुशासित र लगनशिल भई आफनो उद्धेश्य परिपुर्तिका लागि अघि बढन शुभकामना दिनु भयो । बिदेश जादैमा सवैकुरा प्राप्त नहुने भएकाले नेपालमै गुणस्तरीय शिक्षा प्रदान गर्न उच्च शिक्षा प्रदायक सस्थाहरु भएकाले नेपालमै अध्ययन गरि आफुलाई अव्वल र योग्य जनशक्तिको रुपमा स्थापित गर्न सुझाव दिनु भयो । क्याम्पस व्यवस्थापन समितिका अध्यक्ष डा.बशिधर मिश्रले बिद्यार्थीहरुलाई स्वागत गर्दे आफनो उद्धेश्य पूरा गर्नको लागि मेहनत गरी अध्ययन कार्यमा लाग्न सुझाव दिनु भयो । संस्थाका उपाध्यक्ष जीवन प्रकाश शर्माले अहिलेको शिक्षा ज्ञान आर्जन गर्न मात्र नभई सीप अभिबृद्धि पनि गर्नुपर्ने भएकोले सो तर्फ अग्रसर हुन अनुरोध गर्नु भयो र समाजमा देखिएको नकारात्मक भाष्यलाई परिवर्तन गरि गुणस्तरीय उच्च शिक्षा नेपालमै सम्भव भएकोले आआफनो क्षेत्र वाट योगदान गर्नु पर्ने बताउनु भयो । सस्थाका उपाध्यक्ष इ.गम्भिर लाल श्रेष्ठले बिद्यार्थीहरुलाई अध्ययन गर्दै आशिंक रोजगारीको व्यवस्था गर्न सके स्वदेशमै बिद्यार्थीहरु पढने वातावरण हुन सक्ने तर्फ औलयाउनु भयो । क्याम्पस प्रमुख डा . धर्म प्रसाद खनालले नव आगन्तुक बिदार्थीहरुलाई स्वागत गर्दै आफनो अध्ययन अवधी भर अनुशासित र लगनशिल भई अध्ययन गर्न बिद्यार्थीहरु लाग्नु पर्ने बताउनु भयो । उक्त कार्यक्रममा क्याम्पस का गतिविधिहरु वारे बिभागिय प्रमुख डा.महेन्द्र प्रसाद भट्टले प्रस्तुतिकरण गर्नु भएको थियो । उक्त कार्यक्रममा बिभागिय प्रमुखहरु प्रा मन्दिरा वन्त (नसिग) डा.महेन्द्र प्रसाद भट्ट (ल्याव मेडिसिन) , डा.खडग बहादुर श्रेष्ठ (पव्लिक हेल्थ), मिजला बज्राचार्य (फार्मेसी) ले आफनो बिभागको तर्फ वाट बिद्यार्थीहरुलाई शैक्षिक कार्यक्रम वारे प्रशिक्षित गराउनु भयो । उक्त कार्यक्रमको संचालन सह प्रशासक सचित कुइकेलले गर्नु भएको थियो ।